قومی ٹیم پہلی اننگ میں کینگروز کے 487 رنز کے جواب میں 271 رنز بنا کر فالو آن کا شکار ہوگئی۔ پرتھ ٹیسٹ میچ کے تیسرے دن پاکستان کی آسٹریلیا کے خلاف بیٹنگ لائن فلاپ ہو رہی۔پاکستان ٹیم آسٹریلیا کیخلاف 216رنز کے خسارے سے دوچار ہوئی۔ پاکستان کی طرف سے امام الحق باسٹھ رنز بناکرٹاپ اسکورررہے،جبکہ بابراعظم 21 سعود شکیل 28، سرفراز احمد 3 رنز بنا سکے، عامرجمال دس۔فہیم اشرف نو۔خرم شہزاد 7 رنز بناسکے۔ پاکستان ٹیم نے اپنی نامکمل پہلی اننگ کا آغاز 2 وکٹ پر 132 رنز سے کیا تاہم ایک رن کے اضافے کے بعد پاکستان کی تیسری وکٹ گر گئی۔خرم شہزاد کو 7 رنز پر پیٹ کمنز نے بولڈ کیا۔ پاکستان کی چوتھی وکٹ 70.5 اوورز میں 181 رنز پر گری جب بابر اعظم 21 رنز پر کیچ آٹ ہوئے۔قومی ٹیم کی پانچویں وکٹ 192 رنز پر گری، امام الحق 62 رنز پر اسٹمپ آوٹ ہوئے۔ پاکستان کی چھٹی وکٹ 195 رنز پر گری، سرفراز احمد کو 3 رنز پر مچل اسٹارک نے بولڈ کیا۔ فہیم اشرف 9رنز بناکرپیٹ کمنز کا شکار بن گئے۔ واکا کرکٹ اسٹیڈیم ، پرتھ میں جاری پہلے ٹیسٹ کے دوسرے روز قومی ٹیم کی جانب سے اننگ کا آغاز امام الحق اور عبد اللہ شفیق نے کیا اور دونوں کھلاڑیوں کے درمیان 74 رنز کی پارٹنر شپ قائم ہوئی۔ تاہم، 74 کے مجموعے پر عبد اللہ شفیق سلپ پر کیچ آوٹ ہوگئے ، انہوں نے 42 رنز بنائے جبکہ پاکستان کی دوسری وکٹ کپتان شان مسعود کی صورت میں گری جب وہ 30 رنز کی اننگ کھیل کر کیچ آٹ ہوئے۔ دوسرے روز کے اختتام پر امام الحق 38 اور نائٹ واچ مین خرم شہزاد 7 سکور کے ساتھ وکٹ پر موجود تھے۔

اس سے قبل میزبان ٹیم اپنی پہلی اننگ میں 487 رنز پر آوٹ ہوگئی تھی، کھیل کے پہلے روز کینگروز نے 5 وکٹوں کے نقصان پر 346 رنز بنائے تھے، مچل مارش اور الیکس کیری نے دوسرے روز کا آغاز کیا تاہم، آسٹریلیا کو چھٹا نقصان 411 رنز پر اٹھانا پڑا جب عامر جمال کی گیند پر الیکس کیری بولڈ ہوگئے۔ آسٹریلوی ٹیم کی ساتویں وکٹ 449 رنز پرگری جب مچل سٹارک 12 رنز کی اننگ کھیل کر پویلین لوٹ گئے ، انہیں بھی عامر جمال نے آوٹ کیا جبکہ میزبان ٹیم کے آٹھویں آوٹ ہونے والے کھلاڑی مچل مارش تھے جنہوں نے 90 رنز کی اننگ کھیلی۔ 481 کے مجموعے پر کپتان پیٹ کمنز بھی 9 رنز بناکر آوٹ ہوگئے، آسٹریلیا کے آخری آوٹ ہونے والے کھلاڑی نیتھن لیون تھے جو 5 رنز بنا کر عامر جمال کی گیند پر آوٹ ہوئے۔ پاکستان کی طرف سے عامر جمال نے شاندار باولنگ کا مظاہرہ کرتے ہوئے 111 رنز کے عوض چھ وکٹیں حاصل کیں جبکہ خرم شہزاد نے دو، فہیم اشرف اور شاہین شاہ آفریدی نے ایک، ایک کھلاڑی کو آوٹ کیا۔ آسٹریلیا کی جانب سے ڈیوڈ وارنر 164 رنز بنا کر نمایاں بیٹر رہے جبکہ مچل مارش نے 90 رنز کی اننگ کھیلی، عثمان خواجہ 41 اور ٹریوس ہیڈ 40 رنز بنا کر آوٹ ہوئے۔ پاکستان اور آسٹریلیا کے درمیان جاری پہلے ٹیسٹ کے دوسرے روز کے اختتام پر قومی ٹیم نے پہلی اننگ میں کینگروز کے 487 رنز کے جواب میں 2 وکٹوں کے نقصان پر 132 رنز بنائے،جبکہ آسٹریلوی ٹیم کو 355 رنز کی برتری حاصل ہے۔

کریڈٹ: انڈیپنڈنٹ نیوز پاکستان-آئی این پی