پاکستان کے خلاف پہلے ٹیسٹ کے اختتامی لمحات میں جنوبی افریقی کپتان ٹیمبا باووما ٹوائلٹ میں چھپ کر بیٹھ گئے۔میچ کے بعد میڈیا سے بات چیت میں باووما نے کہا کہ لنچ بریک کے دوران زیادہ بات چیت نہیں ہوئی تھی، ہم سب صورتحال کی وجہ سے کافی پریشان تھے، پوری ٹیم نروس تھی، اس صورتحال میں، میں ٹوائلٹ میں چھپ کر بیٹھ گیا تھا۔ یاد رہے کہ اتوار کو لنچ بریک سے قبل یکے بعد دیگر وکٹیں گرنے سے جنوبی افریقی ٹیم دباو کا شکار ہوگئی تھی تاہم وقفے نے وکٹ پر موجود بیٹرز کو سنبھلنے کا موقع دیا اور انھوں نے باقی رنز بناکر ٹیم کو 2 وکٹ سے فتح دلادی۔ سنچورین ٹیسٹ میں جنوبی افریقہ نے پاکستان کو دو وکٹوں سے شکست دے کر سیریز میں 0-1 کی برتری حاصل کرلی ہے

کریڈٹ : انڈیپنڈنٹ نیوز پاکستان-آئی این پی