پیرس اولمپکس ، مردوں کے فٹ بال ایونٹ میں ہفتے کے روز(آج)مزید 8میچز کھیلے جائیں گے۔پہلے میچ میں گروپ اے کی ٹیمیں نیوزی لینڈ اور امریکا آمنے سامنے ہوں گی ،گروپ اے کے دوسرے میچ میں فرانس کا مقابلہ گنی سے، تیسرے میچ میں گروپ بی کی ٹیمیں ارجنٹائن اور عراق ،چوتھے میچ میں گروپ بی کی ٹیمیں یوکرین اور مراکش ،پانچویں میچ میں گروپ سی کی ٹیمیں ڈومینیکن ریپبلک اور سپین ،چھٹے میچ میں گروپ سی کی ٹیمیں ازبکستان اور مصر ،ساتویں میچ میں گروپ ڈی کی ٹیمیں اسرائیل اور پیراگوئے جبکہ آٹھویں میچ میں گروپ ڈی کی ٹیمیں جاپان اور مالی آمنے سامنے ہوں گی،مردوں کے فٹ بال ایونٹ میں 16ٹیموں کو چار گروپس میں تقسیم کیا گیا ہے ۔ گروپ اے میں فرانس،امریکا،گنی اور نیوزی لینڈ شامل ہیں۔ گروپ بی ارجنٹائن ،مراکش،عراق اور یوکرین شامل ہیں۔ گروپ سی میں ازبکستان،سپین،مصر اور ڈومینیکن ریپبلک شامل ہیں اسی طرح گروپ ڈی میں جاپان،پیراگوئے ،مالی اور اسرائیل شامل ہیں۔ مینز فٹ بال ایونٹ کے چاروں کوارٹر فائنلز 2اگست کو کھیلے جائیں گے،سیمی فائنلز 5اگست کو کھیلے جائیں گے ، تیسری پوزیشن کے لئے میچ 8اگست کو کھیلا جائے گا جبکہ طلائی تمغہ کے لئے میچ 9اگست کو کھیلا جائے گا۔

کریڈٹ: انڈیپنڈنٹ نیوز پاکستان-آئی این پی