پیرس اولمپکس 2024کے مینز والی بال ٹورنامنٹ میں پولینڈ،امریکا،اٹلی اور فرانس کی ٹیمیں سیمی فائنل میں پہنچ گئیں، پولینڈ نے پہلے کوارٹر فائنل میچ میں سلووینیاکوہراکر،اٹلی نے دوسرے کوارٹر فائنل میں جاپان کو ہراکر،فرانس نے تیسرے کوارٹر فائنل میں جرمنی کو شکست دے کر جبکہ امریکا نے چوتھے اور آخری کوارٹر فائنل میچ میں برازیل کو مات دے کر سیمی فائنل کے لئے کوالیفائی کیا۔مردوں کے والی بال ٹورنامنٹ میں سائوتھ پیرس ارینا میں کھیلے گئے پہلے کوارٹر فائنل میچ میں پولینڈ نے عمدہ کھیل پیش کرتے ہوئے سلووینیاکوایک کے مقابلے میں 3سیٹس سے ہراکرٹاپ فور کے لئے کوالیفائی کیا۔اٹلی نے دوسرے کوارٹر فائنل میچ میں سخت مقابلے کے بعد جاپان کو 2-3سیٹس سے ہراکرسیمی فائنل تک رسائی حاصل کی،فرانس نے تیسرے کوارٹر فائنل میچ میں جرمنی کو سخت مقابلے کے بعد 2-3سیٹس سے شکست دے کر سیمی فائنل کے لئے کوالیفائی کیاجبکہ امریکا نے چوتھے اور آخری کوارٹر فائنل میچ میں برازیل کو 1-3سیٹس سے مات دے کر سیمی فائنل کے لئے کوالیفائی کیا۔ اولمپکس مقابلوں میں مینز والی بال ٹورنامنٹ 10اگست تک جاری رہیگا۔یاد رہے کہ سیمی فائنلز7اگست کو کھیلے جائیں گے۔ کانسی کے تمغے کے لئے میچ 9اگست کوجبکہ طلائی تمغے کے لئے میچ 10اگست کو کھیلا جائے گا۔

کریڈٹ: انڈیپنڈنٹ نیوز پاکستان-آئی این پی