پولینڈ کی شہرہ آفاق ٹینس سٹار اور ایونٹ کے ٹاپ سیڈڈ آئیگا نتالیہ سوئیٹک پیرس اولمپکس میں ٹینس ایونٹ میں خواتین کے سنگلز مقابلوں کے کوارٹر فائنل رائونڈ میں پہنچ گئیں جبکہ امریکی ٹینس سٹار اور سیکنڈ سیڈڈ کوکو گف کا پری کوارٹر فائنل میں سفر تمام ہوگیا ۔ آئیگا نتالیہ سوئیٹک نے خواتین کے سنگلز مقابلوں کے پری کوارٹر فائنل رائونڈ میں چین کی حریف کھلاڑی وانگ ژیو کو شکست دی ۔ ویمنز سنگلز مقابلوں کے پری کوارٹر فائنل رائونڈ میں 23سالہ پولینڈ کی ٹینس کھلاڑی آئیگا نتالیہ سوئیٹک نے انتہائی شاندار کارکردگی کا مظاہرہ کرتے ہوئے چین کی حریف کھلاڑی وانگ ژیو کو سٹریٹ سیٹس میں 3-6اور 4-6 سے شکست دے کر کوارٹر فائنل کے لئے کوالیفائی کیا ۔ایک اور میچ میں کروشیا کی ڈونا ویکک نے عمدہ کھیل پیش کرتے ہوے امریکا کی ٹینس کھلاڑی اور اولمپک میں ویمنز ٹینس کی سیکنڈ سیڈڈ کوکوگف کو ٹائی بریک پر سٹریٹ سیٹس میں 6-7(7-9)اور 2-6سے ہرا کر کوارٹر فائنل رائونڈ کے لئے کوالیفائی کرلیا۔

کریڈٹ: انڈیپنڈنٹ نیوز پاکستان-آئی این پی