i کھیل

پی او اے کا پہلی نیشنل یوتھ گیمز منعقد کروانے کا اعلان گیمز لاہور میں ہونگیتازترین

February 28, 2025

پاکستان اولمپک ایسوسی ایشن نے ملکی تاریخ میں پہلی نیشنل یوتھ گیمز رواں سال منعقد کروانے کا اعلان کرتے ہوے وزیراعظم یوتھ پروگرام کے چیرمین رانا مشہود احمد خان کو ایشین یوتھ گیمز کیلئے چیف ڈی مشن مقرر کر دیا۔ پاکستان اولمپک ایسوسی ایشن کے سیکرٹری جنرل خالد محمود کے مطابق پی او اے کی ایگزیکٹو کمیٹی نے فیصلہ کیا ہے کہ پہلی نیشنل یوتھ گیمز 7 سے 13 ستمبر تک لاہور میں منعقد ہوں گی۔ایونٹ کا مقصدچودہ سے سترہ سال کی عمر کے باصلاحیت ایتھلیٹس کو مواقع فراہم کرکے ٹیلنٹ ہنٹنگ کرنا ہے ، پی او اے نوجوان ٹیلنٹ کو ایشین یوتھ گیمز اور یوتھ اولمپک گیمز کے لیے تیار کرنے کے لیے ایک اہم پلیٹ فارم فراہم کرے گا۔ انہوں نے بتایا کہ رواں سال بحرین میں ایشین یوتھ گیمز بھی منعقد ہوگی جس کیلے پی او اے نے چیئرمین وزیراعظم یوتھ پروگرام رانا مشہود احمد کو ایشین یوتھ گیمز کا چیف ڈی مشن مقرر کیا ہے۔

کریڈٹ: انڈیپنڈنٹ نیوز پاکستان-آئی این پی