پاکستان سپر لیگ (پی ایس ایل)کے نویں ایڈیشن میں (آج)جمعرات کو واحد میچ اسلام آباد یونائیٹڈ اور کراچی کنگز کے درمیان راولپنڈی کرکٹ سٹیڈیم میں کھیلا جائے گا ۔ میچ شام 7بجے شروع ہو گا،راولپنڈی کرکٹ سٹیڈیم میں جمعرات کو لیگ کے 24ویں میچ اسلام آباد یونائیٹڈ اور کراچی کنگز کی ٹیمیں آمنے سامنے ہوں گی ۔ اسلام آباد یونائیٹڈ مایہ ناز آل رائونڈر شاداب خان کی زیر قیادت میدان میں اترے گی۔ کولن منرو ، ایلیکس ہیلز ، نسیم شاہ ، عماد وسیم ، جورڈن کوکس اور فہیم اشرف جیسے تجربہ کار کھلاڑی اس ٹیم کا حصہ ہیں ،کراچی کنگز کو شان مسعود لیڈ کریں گے ، دیگر نمایاں کھلاڑیوں میں شعیب ملک ، جیمز ونس ، حسن علی ، ٹم سیفرٹ ، بلیسنگ مزرابانی اور محمد نواز شامل ہیں ، ۔

کریڈٹ: انڈیپنڈنٹ نیوز پاکستان-آئی این پی