ساوتھ افریقی کرکٹر اور پی ایس ایل 9 میں کراچی کنگز کی نمائندگی کرنے والے کھلاڑی تبریز شمسی نے کہا ہے کہ پی ایس ایل میں لوکل بالرز کی کوالٹی بہترین ہے۔ منگل کے روز میڈیا سے گفتگو کرتے ہوئے تبریز شمسی کا کہنا تھا کہ پاکستان سپر لیگ ( پی ایس ایل ) کا شمار بہترین لیگز میں ہوتا ہے۔ انہوں نے کہا کہ یہاں لوکل بالرز کی کوالٹی بہت بہترین ہے، پچھلے سیزن کی پرفارمنس سے کوئی فرق نہیں پڑتا، اگر آپ پچھلا سیزن جیتے بھی ہوں تو نئے سیزن میں نئے انداز کے ساتھ کھیلنا ہوتا ہے۔ ان کا کہنا تھا کہ کراچی کنگز کی ٹیم بہت اچھی ہے، ابھی تک ایک میچ ہی کھیلے ہیں۔ انہوں نے کہا کہ بابر اعظم بہت بہترین کھلاڑی ہیں مگر ہمارا فوکس تمام کھلاڑیوں پر ہے کیونکہ اگر ایک کھلاڑی کو آٹ کریں تو دوسرا بہترین کھلاڑی کریز پر آجاتا ہے۔ تبریز کا کہنا تھا کہ لاہور کا کراڈ بہترین ہے، اس سے قبل یہاں ایک بار کورونا کے دور میں کھیلا تھا۔ انہوں نے مزید کہا کہ لیگز میں کسی ایک پلیئر پر فوکس نہیں کرسکتے، جیسے لاہور اور گلیڈی ایٹرز کے درمیان میچ میں کل دو لوکل پلیئرز نے بہت ہی بہترین پرفارمنس دکھائی۔ یاد رہے کہ کراچی کنگز اور پشاور زلمی کی ٹیمیں(آج) بدھ کو مدمقابل ہوں گی۔

کریڈٹ: انڈیپنڈنٹ نیوز پاکستان-آئی این پی