پاکستان سپر لیگ (پی ایس ایل)کے نویں ایڈیشن میں (آج)ہفتہ کو واحد میچ کراچی کنگز اور لاہور قلندرز کے درمیان نیشنل سٹیڈیم ،کراچی میں کھیلا جائے گا۔ میچ شام 7بجے شروع ہو گا ۔ نیشنل کرکٹ سٹیڈیم کراچی میں ہفتہ کو لیگ کے 26ویں میچ کراچی کنگز اور لاہور قلندرزکی ٹیمیں مدمقابل ہوں گی ۔ کراچی کنگز مایہ ناز بیٹر شان مسعود کی قیادت میں میدان میں اترے گی ، ٹیم میں شعیب ملک،محمد نواز ،کیرون پولارڈ،حسن علی،انور علی اور ڈینیئل سامزجیسے بہترین کھلاڑی شامل ہیں ۔لاہور قلندرز کو مایہ ناز بائولرز شاہین شاہ آفریدی لیڈ کریں گے اور انہیں فخر زمان، حارث رئوف ،ثام بلنگز،بھانوکا راجا پاکسے اور عبداللہ شفیق کی خدمات حاصل ہیں۔ دونوں ٹیمیں 8،8میچز کھیل چکی ہیں کراچی کنگز 6پوائنٹس کے ساتھ ٹیبل پر پانچویں جبکہ لاہور قلندرز کی ٹیم تاحال ایک میچ جیت سکی ہے اور وہ 3 پوائنٹس کے ساتھ ٹیبل پر سب سے نیچے چھٹے نمبر پر ہے۔

کریڈٹ: انڈیپنڈنٹ نیوز پاکستان-آئی این پی