پاکستانی بچوں کا امریکہ میں شاندار کارنامہ، یو ایس جو نئیر اوپن اسکواش چیمپئین شپ میں بڑی کامیابی حاصل کرتے ہوے محمد ہرماس راجہ نے انڈر۔11 اور ماہ نور علی نیانڈر۔13کیٹگریز کا ٹائٹل جیتنے کا اعزاز حاصل کرلیا۔ امریکی شہر فلاڈیلفیا میں منعقدہ ایونٹ کے فیصلہ کن معرکے میں انڈر ۔11کیٹگری میں پاکستان کے محمد ہرماس راجہ نے امریکہ کے آرچی بلڈ کو اپنے جارحانہ کھیل کی بدولت0-3 گیم سے ہرایا۔ پاکستانی پلیئر نے ٹائٹل گیارہ آٹھ، گیارہ آٹھ، گیارہ آٹھ سے جیتا۔گرلز انڈر۔13فائنل میں پاکستان کی ماہ نور علی کا شاندار کھیل پیش کرتے ہوے مصر کی لینڈا السید کو 1-3گیم سے ہرایا۔ماہ نور نے چیمپئین شپ ٹائٹل گیارہ آٹھ، بارہ دس، چھ گیارہ، گیارہ چھ سے جیتا۔پاکستان کیلے ٹائٹل جتنے پر نوجوان کھلاڑیوں نے بھرپور خوشی کا اظہار کیا۔

کریڈٹ : انڈیپنڈنٹ نیوز پاکستان-آئی این پی