پاکستان نیٹ بال فیڈریشن نے نیشنل مینز اینڈ ویمنز نیٹ بال چمپئن شپ کے لئے سات رکنی ٹیکنیکل کمیٹی کے ناموں کا اعلان کردیا ہے۔ پاکستان نیٹ بال فیڈریشن کے سیکرٹری جنرل سید گوہر رضا نے بتایا کہ سات رکنی رولز اینڈ ٹیکنیکل کمیٹی کے ناموں کی منظوری گزشتہ روز پاکستان نیٹ بال فیڈریشن کے صدر مدثر آرائیں نے دے دی ہے۔ کمیٹی کے چیئرمین ملک ثمین خان اور سیکرٹری محمد ریاض ہونگے دیگر ممبران میں انوار احمد انصاری، رانا تنویر احمد، انعام الحق، سید گوہر رضا اور جاوید نواز بنگش شامل ہیں۔نیشنل مینز اینڈ ویمنز نیٹ بال چمپئن شپ آئندہ ماہ 11 فروری سے 14 فروری تک لیاقت جمنازیم اسلام آباد میں کھیلی جائے گی جس میں ملک بھر سے سولہ ٹیمیں حصہ لے رہی ہیں۔

کریڈٹ: انڈیپنڈنٹ نیوز پاکستان-آئی این پی