i کھیل

پاکستان ٹیم کا تربیتی کیمپ اختتام پذیر، ٹیم دورہ نیوزی لینڈ کیلئے آج روانہ ہوگیتازترین

March 11, 2025

پاکستان کرکٹ ٹیم کی نیوزی لینڈ روانگی کی تیاریاں مکمل ہوگئیں،نیوزی لینڈ کے خلاف سیریز کے لیے قومی ٹی ٹوئنٹی اسکواڈ کا تربیتی کیمپ ایل سی سی اے گراونڈ لاہور میں اختتام پذیر ہوگیا۔کیمپ کے چوتھے اور آخری روز بھی کھلاڑیوں نے ایل سی سی اے گرائونڈ میں بھرپور پریکٹس کی اور اپنی خامیوں پر قابو پانے کی پوری کوشش کی۔اس سے قبل اتوار کوکھلاڑیوں نے سیناریو بیسڈ پریکٹس میچ میں شرکت کی جہاں کوچنگ اسٹاف نے انہیں مختلف ٹارگٹس دئیے۔پریکٹس سیشن میں بیٹرز نے مخصوص میچ کی صورتحال کے مطابق بیٹنگ کی مشق کی جبکہ بولرز نے اپنی لائن اور لینتھ پر خصوصی توجہ دی۔میچ سے قبل کھلاڑیوں نے وارم اپ سیشن میں بھی حصہ لیا تاکہ فٹنس کو برقرار رکھا جا سکے۔ قومی ٹیم آج 12 مارچ کو نیوزی لینڈ کیلئے روانہ ہوگی جہاں وہ میزبان ملک کی ٹیم کے خلاف پانچ ٹوئنٹی 20 اور تین ون ڈے میچوں کی سیریز میں شرکت کرے گی۔پاکستان اور نیوزی لینڈ کی ٹیموں کے درمیان سیریز کا آغاز 16 مارچ سے ہوگا۔

کریڈٹ: انڈیپنڈنٹ نیوز پاکستان-آئی این پی