پاکستان اور بنگلا دیش کے درمیان 5 ٹی 20 میچوں پر مشتمل سیریز کا شیڈول فائنل کر لیا گیا۔ذرائع کے مطابق پاکستان اور بنگلا کے درمیان 5 ٹی 20 میچز کی سیریز 25 مئی سے 3 جون تک کھیلی جائیگی، سیریز کے پہلے دو ٹی 20 میچز کی میزبانی فیصل آباد جبکہ آخری تین میچز کی میزبانی لاہور کرے گا۔دونوں ٹیموں کے درمیان پہلا ٹی 20 میچ 25 مئی کو کھیلا جائیگا، دوسرا 27 مئی کو شیڈول کیا گیا ہے، سیریز کا تیسرا ٹی 20 میچ 30 مئی، چوتھا یکم جون جبکہ پانچواں اور آخری میچ 3 جون کو کو قذافی سٹیڈیم میں ہو گا۔پاکستان کرکٹ بورڈ (پی سی بی) جلد پاک بنگلا دیش ٹی 20 سیریز کا شیڈول جاری کریگا۔

کریڈٹ: انڈیپنڈنٹ نیوز پاکستان-آئی این پی