پاکستان اور انگلینڈ کے درمیان تین میچوں کی ٹیسٹ سیریز کے آن لان ٹکٹ کی فروخت کا آغاز پیر ہو گیا۔تفصیلات کے مطابق شائقین کرکٹ کی سہولت کے لیے فزیکل ٹکٹ 4 اکتوبر سے مختلف آٹ لیٹس سے خریدنے کے لیے دستیاب ہوں گے ۔ پاک انگلینڈ سیریز آئی سی سی ورلڈ ٹیسٹ چیمپئن شپ کا حصہ ہے جس کا پہلا اور دوسرا ٹیسٹ میچ 7 سے 19 اکتوبر تک ملتان کرکٹ اسٹیڈیم میں کھیلا جائے گا۔ تیسرا ٹیسٹ میچ 24 سے 28 اکتوبر تک راولپنڈی کرکٹ سٹیڈیم میں کھیلا جائے گا۔ شائقین کی بڑی تعداد میں آنے کی ترغیب دینے کے لیے ملتان میں دونوں ٹیسٹ میچوں کے پہلے دن جنرل انکلوژرز (حنیف محمد اور مشتاق احمد) کا داخلہ مفت ہوگا جبکہ راولپنڈی ٹیسٹ کے پہلے دن کے لیے پریمیم انکلوژرز (میراں بخش، شعیب اختر، سہیل تنویر اور یاسر عرفات) میں داخلہ بھی مفت ہوگا۔پہلے ٹیسٹ کے باقہ دنوں کیلے جنرل انکلوژر کے ٹکٹوں کی قیمت 50 روپے، حنیف محمد اور مشتاق احمد انکلوژرز کے ٹکٹ پانچویں اور آخری دن 100 روپے میں خرید سکتے ہیں۔ فرسٹ کلاس انکلوژرز (وسیم اکرم اور الہی برادرز) کے لیے ٹکٹ پہلے ٹیسٹ کے چار دنوں کے لیے 100 روپے میں دستیاب ہوں گے جبکہ پانچویں دن شائقین کے لیے ٹکٹ کی قیمت 200 روپے ہوگی۔

کریڈٹ: انڈیپنڈنٹ نیوز پاکستان-آئی این پی