فرانس کے سائیکل سوار برائن کوکارڈنے ٹور ڈی سوئس سائیکل ریس کا دوسرا مرحلہ جیت لیا، ٹورڈی سوئس سائیکل ریس میں یہ ان کی پہلی فتح ہے۔ریس کا دوسرا مرحلہ وڈوز سے ریگینسڈورف تک 177.3کلومیٹر کے فاصلے پر محیط تھا جس کو 32فرانسیسی سائیکل سوار برائن کوکارڈنے عمدہ سائیکلنگ کا مظاہرہ کرتے ہوئے مطلوبہ فاصلہ 4گھنٹے ،6منٹس اور 39سیکنڈز میں طے کر کے پہلی پوزیشن حاصل کی۔یہ ان کی ریس میں پہلی فتح ہے، آسٹریا کے سائیکلسٹ مائیکل میتھیوز ریس میں دوسرے اور بیلجیئم کے سائیکل سوار ارناڈ ڈی لی تیسرے نمبر پر رہے، کولمبین سائیکلسٹ برینڈن رویراچوتھے جبکہ پرتگال کے سائیکل سوار روئی کوسٹا پانچویں نمبر پر رہے، بیلجیئم کے سائیکل سواریویس لیمپارٹ کا یلو جرسی پر بھی قبضہ برقرار ہے۔ٹور ڈی سوئس سائیکل ریس 8مرحلوں پر محیط ہے جس میں سائیکل سوار 948.7کلو میٹر کا سفر طے کریں گے، ریس میں سوئٹزرلینڈ کی قومی سائیکلنگ ٹیم کے علاوہ 23ٹیمیں ٹائٹل کے حصول کے لئے کوشاں ہیں۔

کریڈٹ: انڈیپنڈنٹ نیوز پاکستان-آئی این پی