اداکارہ مہوش حیات نے کہا ہے کہ انہیں ابھی تک پسند کا مرد ہی نہیں ملا البتہ ان کا ہونے والا شوہر ہمایوں سعید اور فہد مصطفی کا مکسچر ہو، اس میں دونوں اداکاروں جیسی خصوصیات ہوں۔سوشل میڈیا پر وائرل ہونے والی مختصر ویڈیو میں مہوش حیات نے تاحال شادی نہ کرنے کا سبب بتایا۔ان کا کہنا تھا کہ سچ بات تو یہ ہے کہ انہیں تاحال شادی کے لیے پسند کا کوئی مرد ملا ہی نہیں اور انہوں نے اب تک اپنے کیریئر پر ہی توجہ رکھی۔ آئیڈیل مرد کے حوالے سے اداکارہ کے مطابق وہ کسی بھی مرد سے تعلقات استوار کرنے یا رشتہ بنانے سے پہلے یہ سوچتی ہیں کہ وہ مہوش حیات ہیں اور انہیں ان کے حساب سے ہی اپنے مطلوبہ شخص سے تعلقات بنانے چاہیے۔انہوں نے بتایا کہ انہوں نے اپنے پسندیدہ اور شخص کو کہیں اپنے دل میں ہی چھپا رکھا ہے لیکن سچ بات یہ ہے کہ انہیں ابھی تک ایسا کوئی شخص نہیں ملا، جس سے وہ شادی کرتیں۔مہوش حیات کا کہنا تھا کہ وہ مردانہ وجاہت رکھنے والے دراز قد مرد سے شادی کریں گی، جسے دیکھ کر لگے کہ وہ مرد ہی ہیں۔انہوں نے مزید کہا کہ ان کی خواہش ہے کہ ان کا ہونے والا شوہر ہمایوں سعید اور فہد مصطفی کا مکسچر ہو، اس میں دونوں اداکاروں جیسی خصوصیات ہوں۔

کریڈٹ: انڈیپنڈنٹ نیوز پاکستان-آئی این پی