بالی ووڈ اداکارہ انوشکا شرما نے اپنے شوہر معروف کرکٹر ویرات کوہلی کی فٹنس کا راز آشکار کردیا۔ سوشل میڈیا پر وائرل ویڈیو میں انوشکا شرما نے کہا کہ ویرات کوہلی اپنی صحت اور فٹنس کے بارے میں ناقابل یقین حد تک نظم و ضبط رکھتے ہیں، مجھے لگتا ہے کہ اب ہماری انڈسٹری میں بھی ایسا ہی ہورہا ہے۔انوشکا کے مطابق ویرات کوہلی ہر صبح بغیر کسی ناغے کے کارڈیو کرتے ہیں اور میرے ساتھ کرکٹ کی پریکٹس کرتے ہیں، ان کی خوراک میں کوئی جنک فوڈ یا شوگر ڈرنکس نہیں۔اداکارہ نے بتایا کہ کیا آپ یقین کریں گے کہ اس نے تقریبا 10 سالوں سے بٹر چکن نہیں کھایا۔انہوں نے کہا کہ کوہلی کھانے اور سخت ورزش کے علاوہ آٹھ گھنٹے کی پرسکون نیند بھی لیتے ہیں، یہ وہ چیزیں ہیں جس پر آپ کا کنٹرول ہے، اس سے ناصرف ایک عالمی معیار کے کھلاڑی بن سکتے ہیں بلکہ اپنے اردگرد موجود ہر شخص کے لیے بھی ایک تحریک ہے۔

کریڈٹ : انڈیپنڈنٹ نیوز پاکستان-آئی این پی