بھارتی ٹیم کے مایہ ناز بیٹر ویرات کوہلی کی اہلیہ و اداکارہ انوشکا شرما کے ساتھ کرکٹ کھیلنے کی ویڈیو وائرل ہوگئی۔فوٹو اور ویڈیو شیئرنگ ایپ انسٹاگرام پر ویرات کوہلی اور انوشکا شرما نے ویڈیو شیئر کی جس میں کرکٹر کو اہلیہ کرکٹ کے قانون بتارہی ہیں۔ویڈیو کے آغاز میں انوشکا کہتی ہیں کہ میرے خیال سے میں آپ کو کرکٹ میں ہرا سکتی ہوں لیکن آپ کو میرے قانون کے مطابق کھیلنا ہوگا، ویرات کہتے ہیں کہ ہاں یہ میرا کھیل ہے۔ انوشکا پہلا قانون بتاتے ہوئے کہتی ہیں کہ اگر بال تین بار مس ہوگئی تو آپ آئوٹ ہوجا گے، گیند تین بار جسم سے لگی تو بھی آٹ قرار دیا جائے گا۔اداکارہ مزید قانون بتاتی ہیں تو ویرات کوہلی کہتے ہیں کہ قانون مجھے نہیں سکھائو کرکٹ کھیلو۔انوشکا شرما مزید کہتی ہیں کہ پانچواں قانون جس کا بیٹ ہوگا وہ پہلے بیٹنگ کرے گا۔ ویرات کہتے ہیں کہ یہ کونسا قانون ہے اس پر وہ کہتی ہیں کہ یہ بھی قانون ہے۔ویرات انہیں پہلی ہی گیند پر بولڈ کردیتے ہیں جسے وہ ٹرائی بال قرار دیتی ہیں، اگلی ہی گیند پر وہ دوبارہ بولڈ ہوجاتی ہیں تو خود کو بولر قرار دیتی ہیں۔ویرات کوہلی کی جب بیٹنگ آتی ہے تو وہ پہلی ہی گیند پر چھکا لگادیتے ہیں جس پر انوشکا انہیں گیند لانے کا کہہ دیتی ہیں۔ ویڈیو کے آخر میں ویرات کوہلی تنگ آکر چلے ہی جاتے ہیں۔ واضح رہے کہ ویرات کوہلی اور انوشکا شرما 2017 میں شادی کے بندھن میں بندھے تھے ان کے دو بچے وامیکا اور اکائے ہیں۔

کریڈٹ: انڈیپنڈنٹ نیوز پاکستان-آئی این پی