ایشیا کرکٹ کونسل کے زیر اہتمام نویں ویمنز ایشیا کپ کرکٹ ٹورنامٹ 2024میں مزید دو میچوں کا فیصلہ منگل کے روز(آج)ہوگا۔ ٹورنامنٹ میں 23جولائی کو کھیلے جانے والے پہلے میچ میں پاکستان کی خواتین ٹیم متحدہ عرب امارات کی خواتین ٹیم کے خلاف نبرد آزما ہوگی جبکہ دوسرا میچ میزبان بھارت کی خواتین ٹیم اور نیپال ویمن ٹیموں کے درمیان کھیلا جائے گا۔ ٹورنامنٹ میں بھارتی ٹیم دفاعی چیمپئن ہے،بھارتی ویمنز ٹیم نے 2022کے آٹھویں ویمنز ایشیا کپ کے فائنل میچ میں سری لنکن ویمنز ٹیم کو 8وکٹوں سے شکست دی تھی۔ ٹورنامنٹ میں 8ٹیمیں ٹائٹل کے حصول کے لئے نبرد آزما ہوں گی جن میں میزبان سری لنکا،بنگلہ دیش، دفاعی چیمپئن بھارت، پاکستان، تھائی لینڈ، ملائیشیا ،نیپال اور یو اے ای کی ٹیمیں شامل ہیں۔ ٹورنامنٹ 28جولائی کو اختتام پذیر ہوگا۔ خواتین کے نویں ایشیا کپ کرکٹ ٹورنامنٹ کے فائنل سمیت تمام میچز سری لنکا کے رنگیری دمبولا انٹرنیشنل سٹیڈیم، دمبولا میں کھیلے جائیں گے ۔ٹورنامنٹ میں فائنل سمیت 15میچز کھیلے جائیں گے۔

کریڈٹ: انڈیپنڈنٹ نیوز پاکستان-آئی این پی