پاکستان واپڈا نے آرچری فیڈریشن کے زیراہتمام لاہور میں منعقدہ 10ویں نیشنل آرچری چیمپئن شپ جیت لی،آرچری فیڈریشن کے زیراہتمام لاہور میں منعقدہ 10ویں نیشنل آرچری چیمپئن شپ اختتام پذیر ہو گئی، ایونٹ کی فاتح ٹیم واپڈا نے مجموعی طور پر 3گولڈ، 2 سلور اور ایک برونز میڈل حاصل کیا،ویمنز ٹیم ایونٹ میں کرن محمد، نکہت ناہید اور سعدیہ مائی پر مشتمل واپڈا ٹیم نے گولڈ میڈل حاصل کیا جبکہ مردوں کے انفرادی مقابلوں میں واپڈا کے مبشر نذر نے گولڈ میڈل جیتا اور خواتین کے انفرادی مقابلوں میں واپڈا کی سعدیہ مائی نے گولڈ میڈل حاصل کیا،پاکستان آرمی نے 2گولڈ، 3سلور اور ایک برونز میڈل کے ساتھ چیمپئن شپ میں دوسری پوزیشن حاصل کی۔

کریڈٹ: انڈیپنڈنٹ نیوز پاکستان-آئی این پی