بھارتی کرکٹ ٹیم کے آل رانڈر ہاردک پانڈیا اور اداکارہ اننیا پانڈے نے سوشل میڈیا پر ایک دوسرے کو فالو کرنا شروع کردیا۔ ہاردک پانڈیا نے باضابطہ طور پر اپنی اہلیہ نتاشا سے علیحدگی اختیار کرلی ہے اور جوڑے نے انسٹاگرام پر کچھ دن قبل علیحدگی کا اعلان کیا تھا۔ بھارتی میڈیا رپورٹس کے مطابق اب ہاردک پانڈیا کی مکیش امبانی کے بیٹے اننت امبانی کی شادی کی تقریب سے کئی ویڈیوز سوشل میڈیا پر وائرل ہو رہی ہیں جن میں وہ اداکار رنویر سنگھ اور اننیا پانڈے کے ساتھ زور و شور سے ناچتے ہوئے نظر آرہے ہیں۔بھارتی میڈیا کے مطابق اسی دوران مداحوں کی توجہ اس جانب گئی کہ کرکٹڑ نے انسٹاگرام پر اداکارہ اننیا پانڈے کو فالو کرنا شروع کردیا ہے اور اداکارہ بھی ہاردک کو فالو کررہی ہیں۔ بھارتی میڈیا کے مطابق دعوی کیا جارہا ہے کہ نتاشا سے علیحدگی کے بعد پانڈیا کسی اور کے قریب آگئے ہیں، ہاردک کو حال ہی میں رادھیکا اور اننت امبانی کی شادی میں اننیا پانڈے کے ساتھ دیکھا گیا تھا اور اب دونوں نے ایک دوسرے کو انسٹاگرام پر بھی فالو کر لیا ہے۔ یہ خبر آتے ہی سوشل میڈیا پر ہلچل مچ گئی اور سوشل میڈیا صارفین دونوں سلیبریٹیز کے اس عمل پر گہری نظریں جمائے بیٹھے ہیں۔

کریڈٹ: انڈیپنڈنٹ نیوز پاکستان-آئی این پی