ماڈل و اداکارہ مصباح ممتاز نے حالیہ انٹرویو میں ساتھی اداکارہ نوشین شاہ کی جانب سے چند سال قبل موصول ہونے والے نامناسب پیغامات سے پردہ اٹھا دیا۔حال ہی میں میں مصباح ممتاز نے ایک فیشن میگزین کے پوڈ کاسٹ میں شرکت کی ۔دوران انٹرویو میزبان نے ماضی میں ان کے اور نوشین شاہ کے درمیان ہونے والے تنازع کے حوالے سے سوال کیا۔میزبان کے سوال کا جواب دیتے ہوئے انہوں نے بتایا کہ وہ اپنی بہت اچھی دوست، اور انڈسٹری کی اداکارہ اریبہ حبیب کی شادی اور مختلف تقریبات میں دیگر دوستوں اور اداکارائوں کے ہمراہ ڈانس پرفارم کر رہی تھی، جس کی مختلف ویڈیوز میں اپنے سوشل میڈیا پر شیئر کی جو بعد ازاں وائرل ہوگئیں جس پر مجھے نوشین شاہ کا آفیشل انسٹاگرام اکائونٹ میسیج موصول ہوا جس میں نوشین شاہ نے ڈانس کرنے والوں کے لیے غیر مناسب الفاظ استعمال کئے ان کے لیے سخت زبان بھی استعمال کی اور کہا کہ یہ اسلامی ملک ہے، یہ مجرا باہر جاکر کرو۔انہوں نے کہا کہ مجھے نوشین شاہ کا میسیج پڑھ کر افسوس اور دکھ ہوا اور کافی عرصے بعد میری ایک تقریب میں ان سے ملاقات ہوئی، اس وقت انہوں نے خود سلام کیا اور ملاقات کی، جس پر لگا کہ شاید ان کا اکائوٹ ہیک ہوگیا ہوگا، پھر میں نے بھی ان سے میسیج سے متعلق پوچھنا مناسب نہیں سمجھا۔

کریڈٹ: انڈیپنڈنٹ نیوز پاکستان-آئی این پی