پاکستان باسکٹ بال فیڈریشن نے نیشنل وویمنز باسکٹ بال چیمپئین شپ کے شیڈول کا اعلان کر دیا ، چیمپئین شپ کا باضابطہ آغاز 26دسمبر سے لاہور میں ہوگا ۔پاکستان باسکٹ بال فیڈریشن کے سیکرٹری جنرل خالد بشیر کے مطابق واپڈا سپورٹس کمپلیکس میں کھیلی جانیوالی پانچ روزہ چیمپین شپ کے کامیاب انعقاد کیلئے تمام انتظامات مکمل کر لئے گئے ہیں، چیمپین شپ میں شریک آٹھ بہترین ٹیموں کو دو گروپس میں تقسیم کیا گیا ہے۔ پول اے میں دفاعی چیمپئین پاکستان واپڈا، کراچی، فیصل آباد، بہاولپور جبکہ پول بی میں آرمی، اسلام آباد لاہور اور ہزارہ ڈویژن کی ٹیمیں ایکشن میں دکھای دے گی۔خالد بشیر نے بتایا کہ چیمپین شپ کے پول راونڈز میں روزانہ چار میچز کھیلیں جائینگے۔ایونٹ کے سیمی فائنلز 29دسمبر جبکہ چیمپین شپ کا فائنل 30دسمبر کو کھیلا جائیگا۔ چیمپین شپ کے پہلے روز دفاعی چیمپین واپڈا کا مقابلہ کراچی سے ہوگا جبکہ آرمی اور ہزارہ، فیصل آباد اور بہاولپور ، اسلام آباد اور لاہور کی ٹیمیں مدمقابل ہونگی۔ پول راونڈ کی ٹاپ ٹو ٹیمیں سیمی فائنل کیلے کوالیفائی کرے گی۔

کریڈٹ : انڈیپنڈنٹ نیوز پاکستان-آئی این پی