نیوزی لینڈ اور انگلینڈ کی خواتین کرکٹ ٹیموں کے درمیان پانچ بین الاقوامی ٹی ٹونٹی میچوں پر مشتمل سریز کا تیسرا میچ(کل) 24مارچ کو سیکسٹن اوول، نیلسن میں کھیلا جائے گا،مہمان برطانوی خواتین ٹیم کو 5میچوں کی سیریز میں نیوزی لینڈ ویمن کے خلاف 0-2کی برتری حاصل ہے۔ انگلینڈ کی ویمن ٹیم نے پہلے ٹی ٹونٹی میچ میں میزبان نیوزی لینڈ کی ٹیم کو 27رنز سے جبکہ دوسرے ٹی ٹونٹی میچ میں 15رنز سے شکست دی تھی۔انگلینڈ کی ویمن ٹیم ان دنوں نیوزی لینڈ کے دورہ پر ہے جہاں وہ میزبان ٹیم کے خلاف پانچ ٹی ٹونٹی اور تین ایک روزہ کرکٹ میچوں کی سیریز کھیلے گی،جس کے دو میچز کھیلے جا چکے ہیں۔دونوں ٹیموں کے درمیان پانچ میچوں کی سیریز کا تیسرا میچ 24مارچ کو سیکسٹن اوول، نیلسن میں کھیلا جائے گا،چوتھا میچ 27مارچ کو بیسن ریزرو، ویلنگٹن میں کھیلا جائے گا جبکہ پانچواں اور آخری ٹی ٹونٹی میچ 29مارچ کو بیسن ریزرو، ویلنگٹن میں کھیلا جائے گا۔ پانچ ٹی ٹونٹی میچوں کی سیریز میں برطانوی ٹیم کو ہیتھر نائٹ لیڈ کر یں گی جبکہ میزبان نیوزی لینڈ کی ویمن ٹیم کو سوفی ڈیوائن لیڈ کریں گی۔دونوں ٹیموں کے درمیان تین ون ڈے میچوں کی سیریز کا آغاز یکم اپریل کو پہلے میچ سے ہوگا، جو ویلنگٹن میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی