نیوزی لینڈ اور انگلینڈ کی خواتین کرکٹ ٹیموں کے درمیان پانچ بین الاقوامی ٹی ٹونٹی میچوں پر مشتمل سریز کا دوسرا میچ (آج)جمعہ کو سیکسٹن اوول، نیلسن میں کھیلا جائے گا۔مہمان برطانوی خواتین ٹیم کو 5 میچوں کی سیریز میں نیوزی لینڈ ویمن کے خلاف 0-1کی برتری حاصل ہے۔ انگلینڈ کی ویمن ٹیم نے پہلے ٹی ٹونٹی میچ میں میزبان نیوزی لینڈ کی ٹیم کو 27رنز سے شکست دی تھی۔انگلینڈ کی ویمن ٹیم ان دنوں نیوزی لینڈ کے دورہ پر ہے جہاں وہ میزبان ٹیم کے خلاف پانچ ٹی ٹونٹی اور تین ایک روزہ کرکٹ میچوں کی سیریز کھیلے گی۔ دونوں ٹیموں کے درمیان پانچ میچوں کی سیریز کا دوسرا میچ (آج)جمعہ کو سیکسٹن اوول، نیلسن میں کھیلا جائے گا،تیسرا میچ 24مارچ کو سیکسٹن اوول، نیلسن میں کھیلا جائے گا،چوتھا میچ 27مارچ کو بیسن ریزرو، ویلنگٹن میں کھیلا جائے گا جبکہ پانچواں اور آخری ٹی ٹونٹی میچ 29مارچ کو بیسن ریزرو، ویلنگٹن میں کھیلا جائے گا۔ پانچ ٹی ٹونٹی میچوں کی سیریز میں برطانوی ٹیم کو ہیتھر نائٹ لیڈ کر یں گی جبکہ میزبان نیوزی لینڈ کی ویمن ٹیم کو سوفی ڈیوائن لیڈ کریں گی۔دونوں ٹیموں کے درمیان تین ون ڈے میچوں کی سیریز کا آغاز یکم اپریل کو پہلے میچ سے ہوگا، جو ویلنگٹن میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی