مشیر کھیل پنجاب وہاب ریاض کی ہاکی اولمپئن زاہد شریف سے ملاقات ہوئی جس میں انہوں نے اپنی بیماری کے بارے میں بتایا تھا ۔ اولمپئن زاہد شریف دل کے عارضہ کے باعث علیل ہیں۔ زاہد شریف نے حکومت سے صحت و دیگر امور پر معاونت کی اپیل کی تھی۔ مشیر کھیل پنجاب وہاب ریاض کا کہنا تھاکہ کھیلوں سے منسلک تمام ہیروز ہمارے ملک کی شان اور پہچان ہیں۔ زاہد شریف صاحب نے ملک کا نام عالمی سطح پر روشن کیا ہے۔ پنجاب سپورٹس انڈونمنٹ فنڈ میں ویٹرنز کے لئے خصوصی پیکج موجود ہے۔ حکومت پنجاب کی جانب سے ان کے لئے ماہانہ 35 ہزار روپے وظیفے کا اعلان کیا ہے۔ مشکل وقت میں ہم سب ان کے ساتھ ہیں۔ پنجاب سمیت ملک بھر کے کھلاڑیوں کی فلاح کے لئے ہمہ وقت موجود ہوں۔ کھلاڑیوں کے لئے اگلے مالی بجٹ میں تاریخی پیکج لارہے ہیں۔

کریڈٹ: انڈیپنڈنٹ نیوز پاکستان-آئی این پی