تمغہ امتیاز حاصل کرنے والی اداکارہ مہوش حیات نے جیولن تھرو گولڈ میڈلسٹ ارشد ندیم کی بائیو پک کے لیے ہیرو ڈھونڈ لیا۔فوٹو اور ویڈیو شیئرنگ ایپ انسٹاگرام پر اداکارہ مہوش حیات نے معروف اداکار کا نام بتایا ہے جو جیولن تھرو چیمپئن ارشد ندیم کی بائیو پک کے لیے انتہائی موزوں ہیں۔جی ہاں وہ اداکار فرحان علی آغا ہیں جو متعدد ڈراموں میں اداکاری کے جوہر دکھا چکے ہیں۔سودشل میڈیا صارفین مہوش حیات کے انتخاب پر خوش ہیں اور کہہ رہے ہیں کہ فرحان علی آغا ارشد ندیم کی بائیو پک کے لیے موزوں اداکار ہیں۔یاد رہے کہ ارشد ندیم اور نیرج چوپڑا کی ایک ویڈیو سوشل میڈیا پر وائرل ہوئی تھی جس میں ان دونوں نے ایک دوسرے کی بائیوپک کیلئے موزوں بالی وڈ اداکاروں کے نام بتائے تھے۔میڈل تقریب کے بعد ارشد ندیم اور نیرج چوپڑا نے خصوصی انٹرویو دیا، جس میں اینکر نے نیرج چوپڑا سے سوال کیا تھا کہ اگر ارشد ندیم پر بائیوپک بنتی ہے تو آپ ان کے کردار کے لیے کس اداکار کا انتخاب کریں گے؟جواب میں نیرج چوپڑا نے کہا تھا کہ ارشد کے کردار کے لیے میرا انتخاب بالی ووڈ اسٹار امیتابھ بچن ہوں گے کیونکہ ان کا قد بھی ارشد ندیم کی طرح لمبا ہے۔دوسری جانب جب نیرج چوپڑا کی بائیوپک کے حوالے سے ارشد ندیم سے سوال کیا گیا تو انہوں نے نیرج کے کردار کے لیے شاہ رخ خان کا انتخاب کیا تھا۔واضح رہے کہ ارشد ندیم کی شاندار کامیابی کے بعد معروف پاکستانی مصنف عمران ملک ان پر فلم بنانے کا اعلان کر چکے ہیں جب کہ نامور اداکار ہمایوں سعید کا کہنا تھا کہ وہ ارشد ندیم کی زندگی پر ڈراما بنانے کا سوچ رہے ہیں۔

کریڈٹ: انڈیپنڈنٹ نیوز پاکستان-آئی این پی