کاروباری خاتون اور پاکستانی شوبز انڈسٹری سے وابستہ ماڈل، اداکارہ کومل عزیز نے اب تک شادی نہ کرنے کی وجہ سے پردہ اٹھاتے ہوئے یہ بھی بتا دیا کہ انہیں کیسے جیون ساتھی کی تلاس ہے۔حال ہی میں اداکارہ نجی فیشن میگزین کے پوڈکاسٹ میں شرکت کرتے ہوئے نظر آئیں، جہاں انہوں نے اپنی کمپنی کے حوالے سے ہونے والے تنازع پر وضاحت پیش کی اور ساتھ ہی نجی زندگی کے حوالے سے بھی کھل کر بات کی۔دورانِ انٹرویو ان سے سوال کیا گیا کہ انہوں نے اب تک شادی کیوں نہیں کی اور انہیں کیسے جیون ساتھی کی تلاش ہے؟میزبان کے سوال پر انہوں نے بتایا کہ شادی بہت اچھی چیز ہے، ہر کسی کو کرنی چاہیے اور وہ بھی کریں گی لیکن فی الحال انہیں ان کی پسند کا لڑکا نہیں مل رہا کیونکہ ہونے والے شوہر سے متعلق ان کی ترجیحات بہت زیادہ ہیں۔انہوں نے کہا کہ اب تک شادی نہ ہونے کی وجہ بھی یہ ہی ہے کہ ان کی ہونے والے شوہر سے متعلق ترجیحات بہت زیادہ ہیں۔کومل عزیز کے مطابق ان کا ہونے والا شوہر ان سے زیادہ پڑھا لکھا، کامیاب، کاروباری شخص ہو، ان سے زیادہ کمانے والا ہو، وہ ایک کامیاب شخص سے شادی کریں گی تاکہ ان کی شادی کامیاب ہو کیونکہ اگر وہ ان سے تمام باتوں میں ان سے کم ہوگا تو شاید وہ ان کی اس طرح عزت نہیں کرپائیں گی، جس طرح شوہر کی عزت کی جانی چاہیے۔انہوں نے یہ بھی کہا کہ ان کا ہونے والا شوہر مکمل مرد ہو، انہیں آدھے لڑکے پسند نہیں، کیونکہ وہ مکمل عورت ہیں، جس طرح وہ مکمل لڑکی ہیں، انہیں بھی اسی طرح کا مکمل لڑکا چاہیے اور آج کل اس طرح کے مرد ملنا بہت مشکل ہوگیا ہے۔اس پر میزبان نے وضاحت طلب کی کہ آدھے لڑکے سے ان کی کیا مراد ہے تو انہوں نے بتایا کہ آج کل کے لڑکے آدھے ادھر تو آدھے ادھر ہیں، انہیں ایسا لڑکا نہیں چاہیے، انہیں مکمل مرد چاہیے۔میزبان کے مطابق یہ بہت زیادہ شرائط ہیں تو انہوں نے اس کی بھی وضاحت پیش کی اور کہا کہ جب لڑکیاں اپنے ہونے والے شوہروں سے متعلق شرائط رکھنا شروع کریں گی تو ملک کی معیشت بہتر ہوگی، لڑکے ہونے والی بیویوں کی خاطر اچھی کمائی کرنے لگیں گے۔

کریڈٹ: انڈیپنڈنٹ نیوز پاکستان-آئی این پی