ہندی سنیما کے سنہرے دور کی مقبول ترین اداکارائوں میں سے ایک مینا کماری کی محبت کی کہانی پر مبنی فلم بنانے کا اعلان کردیا گیا۔ اداکارہ کی زندگی پر مبنی بائیوپک کی خبریں کافی عرصے سے گردش کر رہی تھیں۔ بالآخر ساریگاما اور کمال امروہی کے پوتے بلال امروہی سمیت دیگر شراکت داروں نے مینا کماری اور ان کے شوہر کمال امروہی کی محبت کی کہانی پر فلم کا اعلان کر دیا ہے۔سوشل میڈیا پر اس سلسلے میں ایک ویڈیو بھی شیئر کی گئی جس کا آغاز مینا کماری کی پرانی تصاویر اور اردو میں لکھے گئے خطوط سے ہوتا ہے۔ مداحوں اور فلمی دنیا کے ستاروں نے بھی اس پوسٹ پر دلچسپ تبصرے کیے۔ کئی مداحوں نے اس فلم کیلئے شردھا کپور کو مینا کماری کے کردار کیلئے منتخب کرنے کی درخواست کی جبکہ کچھ نے اس جوڑی کیلیے ورون دھون اور شردھا کپور کی جوڑی کو فلم میں دیکھنے کی خواہش ظاہر کی۔

کریڈٹ: انڈیپنڈنٹ نیوز پاکستان-آئی این پی