محمد شاہ اینڈ محمد اسلم میموریل فٹبال ٹورنامنٹ میں ینگ سٹار کلب نے کوارٹر فائنل کے لئے کوالیفائی کر لیا ہے۔ گزشتہ روز میونسپل سٹیڈیم راولپنڈی میں جاری ٹورنامنٹ کا پری کوارٹر فائنل میچ ینگ سٹار کلب اور زمیندار کلب کے مابین کھیلا گیا جس میں ینگ سٹار کلب نے زمیندار کلب کو صفر کے مقابلے میں تین گول سے ہرا کر کوارٹر فائنل میں جگہ بنالی ہے۔ وقفے تک ینگ سٹار کلب کو 0-1گول کی برتری حاصل تھی دوسرے ہاف میں ینگ سٹار کلب کے کھلاڑیوں نے مزید دو گول کرکے مقابلہ 0-3سے جیت لیا۔ ٹورنامنٹ آرگنائزنگ کمیٹی کے چیئرمین اشتیاق احمد راجہ نے بتایا کہ ٹورنامنٹ میں سولہ ٹیمیں حصہ لے رہی ہیں جن کو چار گروپوں میں تقسیم کیا گیا ہے گروپ اے میں ینگ سٹار کلب، وانڈرز کلب، زمیندار کلب اور مسلم کلب، گروپ میں الحمرا کلب، نشتر کلب،ینگ مین اور یو ایس جی سی کلب، گروپ سی میں ینگ مسلم، دھمیال کلب،المسلم کلب اور الفلاح کلب جبکہ گروپ ڈی میں گلیکٹیکسو کلب،چکلالہ کلب، پاک شاہین اورلجپال کلب کی ٹیمیں شامل ہیں۔ ہر گروپ سے ایک، ایک ٹیم سیمی فائنل کے لئے کوالیفائی کرے گی۔

کریڈٹ: انڈیپنڈنٹ نیوز پاکستان-آئی این پی