معروف بھارتی اداکار نوازالدین صدیقی نے کہا ہے کہ وہ ماضی میں کمل ہاسن کی خواہش پوری نہ کرسکے تھے۔۔نوازالدین صدیقی نے حال ہی میں ایک انٹرویو کے دوران کمل ہاسن کے ساتھ اپنے طویل عرصے کے تعلقات کے بارے میں بات کی۔نوازالدین صدیقی کا کہنا تھا کہ مجھے کمل ہاسن صاحب بہت پسند ہیں۔ میں ان کی فلم''ابھے''کیلئے ڈائیلاگ کوچ بھی رہا ہوں۔ اس وقت میں بیروزگار تھا، اس لیے میں ایسے کام کر سکتا تھا۔انہوں نے کہا کہ ایک سینئر نے مجھ سے پوچھا کہ کیا میں سائوتھ انڈسٹری میں کام کرنا چاہتا ہوں۔ اس طرح میں نے فلم کے ہندی ڈائیلاگ کیلئے کام کیا۔انہوں نے کہا کہ ایک مرتبہ میں نے کمل ہاسن کے سامنے تغلق کی تقریر پیش کی، مجھے اس پر فخر تھا۔ انہوں نے مجھ سے پوچھا کہ کیا تم اسے 10 مختلف طریقوں سے کر سکتے ہو؟ تو میں نے کہا میں زیادہ سے زیادہ تین، چار انداز سے کر سکتا ہوں۔

کریڈٹ: انڈیپنڈنٹ نیوز پاکستان-آئی این پی