قومی ویمن کرکٹ ٹیم کے ہیڈ کوچ محمد وسیم نے کہا ہے کہ پہلے میچ میں ہمیں مشکل ہوئی کیونکہ ہم اپنے پلان پر عمل نہیں کرسکے،پہلے میچ کے بعد ٹیم کی کارکردگی میں بہتری آئی ہے، انہوں نے کہا کہ ہم صحیح ڈائریکشن میں جارہے ہیں،آنے والے میچوں میں اچھی ٹیموں کے خلاف اسی مائنڈ سیٹ سے کھیلنا ہوگا، محمد وسیم نے کہا کہ اگر ہمیں ان لڑکیوں سے بہترین پرفارمنس لینی ہے تو انہیں آزادی دینی ہوگی تاکہ وہ کھل کر اپنا ٹیلنٹ پیش کرسکیں۔ ویمن کرکٹ ٹیم کے ہیڈ کوچ نے کہا کہ بولنگ ہمارا مضبوط شعبہ ہے فیلڈنگ اور بیٹنگ میں بھی بہتری نظر آرہی ہے،انہوں نے کہا کہ اگر آپ کو ماڈرن کرکٹ کھیلنی ہے تو اس کے لیے ماڈرن کوچنگ بھی چاہیے، ان کا کہنا تھا کہ ۔کیمپ میں جو سخت محنت کی تھی وہ اب کام آرہی ہے،ہم چاہتے ہیں کہ ہماری لڑکیاں زیادہ جارحانہ انداز میں بیٹنگ کریں،کنڈیشنز اسپنرز کے حق میں ہیں ہماری نوجوان بولرز نے عمدہ بولنگ کی ہے، محمد وسیم نے کہا کہ لیفٹ آرم سیمر تسمیہ بولنگ میں اچھا اضافہ ہے، ان کا کہنا تھا کہ یہی سوچ کر یہاں آئے ہیں کہ اس بار ایشیا کپ جیتنا ہے۔

کریڈٹ: انڈیپنڈنٹ نیوز پاکستان-آئی این پی