انگلش پریمیئر لیگ میں (آج)بروز ہفتہ مزید 5میچوں کا فیصلہ ہوگا۔پہلا میچ مانچسٹر یونائیٹڈ اور ایورٹن کی ٹیموں کے درمیان اولڈ ٹریفورڈ، مانچسٹر میں کھیلا جائے گا، دوسرے میچ میں بورن ماتھ اور شیفیلڈ یونائیٹڈ کی ٹیمیں وائٹلٹی سٹیڈیم، بورن مائوتھ میں آمنے سامنے ہوں گی، تیسرا میچ کرسٹل پیلس اور لیوٹن ٹائون کی ٹیموں کے درمیان سیلہرسٹ پارک، لندن میں کھیلا جائے گا۔چوتھا میچ وولور ہیمپٹن اور فلہم کی ٹیموں کے درمیان مولینکس سٹیڈیم، وولور ہیمپٹن میں کھیلا جائے گا جبکہ 9مارچ کا پانچویں اور آخری میچ میں آرسنل اور برینٹ فورڈ کی ٹیمیں ایمرٹس سٹیڈیم ، لندن کے مقام پر نبرد آزما ہوں گی۔یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15جون 2023کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کے لئے کوشاں ہے ،لیور پول کی ٹیم پوائنٹس ٹیبل پر سب سے زیادہ 63 پوائنٹس کے ساتھ ٹیبل پر ٹاپ پوزیشن پر موجود ہے۔

کریڈٹ: انڈیپنڈنٹ نیوز پاکستان-آئی این پی