پاکستان کے معروف ریپرطلحہ انجم نے بھارتی ریپرنیزی کو اپنے بارے لاعلمی پر گانے کے ذریعے کرارا جواب دیدیا۔بھارت میں اس وقت طلحہ انجم کافی زور و شور سے ٹرینڈ کررہے ہیں جس کی وجہ خاصی دلچسپ ہے۔ ہندوستانی ریپر نیزی اپنے کم بیک کے حوالے سے ایک پوڈ کاسٹ میں موجود تھے نیزی سے میزبان نے سوال کیا کہ کیا آپ کی اگلی کلابریشن میں طلحہ انجم ہوں گے؟۔سوال کا جواب دیتے ہوئے انڈین ریپر نیزی نے میزبان سے پوچھا کون طلحہ؟پورے پوڈکاسٹ سے چند سیکنڈز کا یہ کلپ دیکھتے ہی دیکھتے وائرل ہوگیا۔ اس کلپ کے بعد اچانک طلحہ انجم کی جانب سے بھارتی ریپر نیزی کے سوال کون طلحہ کے جواب میں یوٹیوب پر ایک ٹریک ریلیز کرتے ہوئے بھارتی ریپر کو کرارا جواب دیا گیا ہے سانگ کا عنوان ہے کون طلحہ؟۔انجم نیزی کو مخاطب کرتے ہوئے کہتے ہیں کہ وہ پوچھتا ہے کون طلحہ؟ اور پھر منور فاروقی،کرشنا اور ڈیوائن جیسے ہندوستانی ریپرز کا حوالہ دیتے ہوئے کہتے ہیں کہ ان سب سے پوچھ کہ کون طلحہ؟واضح رہے یوٹیوب پر ریلیز ہونے والا سانڈ ٹریک کون طلحہ دیکھتے ہی دیکھتے ملین ویوز کراس کرچکا ہے اور یہ گانا بھارت کے یوٹیوب ٹرینڈز میں ٹاپ 10 پر ٹرینڈ کررہا ہے ۔گانے کے کمنٹ سیکشن میں بھارتی صارفین طلحہ انجم کو بتاتے ہوئے نظر آرہے ہیں کہ آپ فکر نہیں کریں سارا بھارت جانتا ہے کہ کون ہے طلحہ۔

کریڈٹ: انڈیپنڈنٹ نیوز پاکستان-آئی این پی