پاکستانی اداکارہ، گلوکارہ و نغمہ نگار کومل رضوی کی سان فرانسسکو کی نجی تقریب میں دی گئی پرفارمنس سوشل میڈیا پر وائرل ہو گئی ہے۔سوشل میڈیا پر وائرل اس ویڈیو کو خود کومل رضوی کی جانب سے اپنے سوشل میڈیا اکائونٹ انسٹاگرام پر شیئر کیا گیا ہے۔آج کل کومل رضوی امریکا میں مقیم ہیں اور اپنا بیوٹی برانڈ بھی چلا رہی ہیں۔حال ہی میں گلوکارہ نے سان فرانسسکو کی ایک نجی تقریب میں پرفارم کیا ہے جس کی ویڈیو سوشل میڈیا پر وائرل ہے۔اس ویڈیو میں گلوکارہ کو لٹکوں جھٹکوں کے ساتھ گانا گاتے ہوئے دیکھا جا سکتا ہے۔ویڈیو کا منظرِ عام پر آنا ہی تھا کہ گلوکارہ کو تنقید کا سامنا ہے۔سوشل میڈیا صارفین کا خیال ہے کہ کومل رضوی پرفارمنس کے دوران مکمل نشے میں ہیں۔کچھ صارفین کا کمنٹ کرتے ہوئے کہنا ہے کہ ایک وقت تھا جب کومل رضوی اچھی گلوکاری کرتی تھیں مگر اب انہوں نے اپنا معیار گرا لیا ہے۔

کریڈٹ: انڈیپنڈنٹ نیوز پاکستان-آئی این پی