اوول کے ہیرو فضل محمود کو مداحوں سے بچھڑے 19 برس بیت گئے، قومی کرکٹر فضل محمود نے پاکستانی ٹیم کو ٹیسٹ نیشن بنوانے میں اہم کردار ادا کیا۔ فضل محمود 18فروری 1920 کو لاہور میں پیدا ہوئے، متحدہ ہندوستان میں رانجی ٹرافی میں حصہ لے کر فرسٹ کلاس کرکٹ کا آغاز کیا۔فضل محمود نے قیام پاکستان کے بعد 16 اکتوبر 1952 میں بھارت کیخلاف اپنا کیریئر شروع کیا اور پہلے دورے پر لکھنو ٹیسٹ میں 12 وکٹیں لے کر پاکستانی کو بھارت کیخلاف پہلا ٹیسٹ میچ جتوایا، 1954 میں انگلستان کے دورے پر ملکہ برطانیہ بھی فضل محمود کی آنکھوں سے متاثر ہوئے بغیر نہ رہ سکیں۔فضل محمود نے انگلینڈ کیخلاف اوول ٹیسٹ میں 99 رنز کے عوض 12 کھلاڑیوں کو آئوٹ کر کے پاکستان کو پہلی یادگار فتح دلائی، 1955 میں انہیں وزڈن کرکٹر آف دی ائیر کا خطاب دیا گیا، اگست 1962 میں انگلستان کیخلاف ٹیسٹ میچ کھیل کر کرکٹ کو الوداع کہا۔

کریڈٹ: انڈیپنڈنٹ نیوز پاکستان-آئی این پی