قومی کرکٹ ٹیم کے سابق کپتان یونس خان نے تجویزدی ہے کہ رضوان یا فخرزمان میں سے کسی ایک کو قومی ٹیم کاکپتان ہونا چاہیے ،ہمارے کلچر میں بڑے کھلاڑی کو کپتان بنا دیا جاتا ہے جو غلط ہے۔ آسٹریلیا کے شہر میلبرن میں میڈیا سے گفتگو کرتے ہوئے یونس خان کا کہنا تھا کہ امید کرتا ہوں پاکستانی ٹیم آسٹریلیا میں اچھا پرفارم کرے گی۔انہوں نے کہا کہ پاکستانی ٹیم میں سلیکشن کے کچھ مسائل ضرور ہیں، جسے کوچ جیسن گلیسپی بہتر بنانے کی کوشش کر رہے ہیں۔ یونس خان کا کہنا تھا کہ ہمارے کلچر میں بڑے کھلاڑی کو کپتان بنا دیا جاتا ہے جو غلط ہے۔یونس خان نے پاکستان کے سابق کپتان بابر اعظم سے متعلق کہا کہ کپتانی سے الگ ہونا بابر کے لیے بہتر ثابت ہوگا۔ انہوں نے قومی ٹیم کے نئے کپتان سے متعلق کہا کہ رضوان یا فخرمیں سے کسی ایک کو کپتان ہونا چاہیے۔واضح رہے کرکٹ آسٹریلیا نے پاکستان کرکٹ ٹیم کے سابق کپتان یونس خان کو کرکٹ فیسٹیول کا حصہ بنایا ہے۔ یونس خان کو آسٹریلیا کے کرکٹ سیزن کی تقریب کے مہمان کھلاڑیوں میں شامل کیا گیا ہے۔

کریڈٹ: انڈیپنڈنٹ نیوز پاکستان-آئی این پی