انگلینڈ کے خلاف سیریز کے باقی 3 ٹیسٹ میچز کے لیے بھارتی سکواڈ کا اعلان کر دیا گیا۔ بھارتی کرکٹ بورڈ کے مطابق ویرات کوہلی ذاتی مصروفیات کے باعث بقیہ سیریز کے لیے بھی دستیاب نہیں ہوں گے۔ بھارتی کرکٹ بورڈ کے سیکرٹری جے شاہ نے کہا ہے کہ بورڈ ویرات کوہلی کے فیصلے کا احترام کرتا ہے جبکہ رویندرا جڈیجا اور کے ایل راہول کی شرکت فٹنس سے مشروط ہے۔ واضح رہے کہ دونوں ٹیموں کے درمیان سیریز کا تیسرا ٹیسٹ میچ 15 فروری جبکہ چوتھا 23 فروری اور پانچواں 7 مارچ سے شروع ہو گا جبکہ 5 ٹیسٹ میچز کی سیریز ایک ایک سے برابر ہے۔

کریڈٹ: انڈیپنڈنٹ نیوز پاکستان-آئی این پی