قلندر ہاکی لیگ میں حصہ لینے کیلئے کھلاڑیوں کے اوپن ٹرائلز 17فروری کو منعقد کئے جائیں گے، ٹرائلز کی تفصیلات کے حوالے سے 15فروری کو عبدالستار ایدھی ہاکی سٹیڈیم کراچی میں پریس کانفرنس منعقد ہو گی،پاکستان ہاکی فیڈریشن (پی ایچ ایف)کی جانب سے جاری کئے گئے اعلامیہ کے مطابق پی ایچ ایف کے صدر بریگیڈیئر (ر)خالد سجاد کھوکھر کی ہدایت پر پی ایچ ایف کی زیر نگرانی لاہور قلندر کے زیر اہتمام سندھ حکومت اور پنجاب حکومت کے اشتراک سے قلندر ہاکی لیگ میں حصہ لینے کیلئے کھلاڑیوں کے اوپن ٹرائلز 17فروری کی صبح 10بجے کے ایچ اے سپورٹس کمپلیکس کراچی میں لئے جائیں گے،مذکورہ اوپن ٹرائلز پی ایچ ایف سلیکشن کمیٹی کی زیر نگرانی منعقد ہونگے، تمام کھلاڑیوں کو صبح 10بجے رپورٹ کرنے اور اپنے ہمراہ ایف آر سی، ب فارم اور شناختی کارڈ لازمی لانے کی ہدایت کی گئی ہے،ٹرائلز میں رجسٹریشن کے لئے کھلاڑی صوبائی سیکریٹریز کے علاوہ پاکستان ہاکی فیڈریشن کے ٹوئٹر، فیس بک، انسٹا گرام اکائونٹس کی مدد سے ای فارم لنک پر آن لائن ہی اندراج کرکے مفت جمع کروا سکتے ہیں۔

کریڈٹ: انڈیپنڈنٹ نیوز پاکستان-آئی این پی