معروف اداکارہ ایشل فیاض کا کہنا ہے کہ وہ کیمرے کے پیچھے بہت ہی گھریلو قسم کی لڑکی ہیں۔ ایک انٹرویو میں ایشل نے کہا کہ وہ اپنے دل کی سنتی ہیں ٹی وی ہو یا فلم ہر میڈیم کی اپنی اہمیت ہے۔ایشل فیاض نے کہا کہ وہ کسی بھی ایک میڈیم کو دوسرے پر فوقیت نہیں دیتیں۔ ایشل فیاض اپنے بارے میں کہتی ہیں کہ کیمرے کے پیچھے کی زندگی میں وہ ایک بہت ہی گھریلو لڑکی ہیں جسے اپنے گھر والوں سے بے انتہا محبت ہے۔تاہم ایشل کا خیال ہے کہ پاکستان میں فلموں کے مقابلے میں ڈراموں کی زیادہ مقبولیت ہے، اس لیے اگر کسی بھی فنکار کو سپر اسٹار بننا ہے تو اسے ڈراموں میں زیادہ کام کرنا چاہیے اور صرف معیاری کام ہی اسٹار بنا سکتا ہے۔ ایشل سمجھتی ہیں کہ ہماری انڈسٹری کو ڈراموں اور فلموں کے معیار کو بہتر بنانے کے لیے گلیمر سے زیادہ تخلیقی مواد پر کام کرناچا ہیے کیوں کہ اچھی کہانیاں ہی اچھا ڈراما یا فلم بنا سکتی ہیں۔ وہ کہتی ہیں کہ دنیا میں کوئی بھی شخص مکمل نہیں ہوتا، سیکھنے کی ہمیشہ گنجائش رہتی ہے، اس لیے وہ بھی خود میں بہتری کی کوشش کرتی ہیں۔

کریڈٹ: انڈیپنڈنٹ نیوز پاکستان-آئی این پی