رائٹر اور ڈرامہ نگار خلیل الرحمن قمر کو ہنی ٹریپ کرنے والے گینگ کے ماسٹر مائنڈ نے گرفتاری کے بعد سنسنی خیز انکشافات کئے ہیں۔پولیس کے مطابق ہنی ٹریپ گینگ کے ماسٹر مائنڈ حسن شاہ کو ساتھی رفیق سمیت پشاور سے گرفتار کیا گیا۔ ملزم نے خلیل الرحمن قمر کی قابل اعتراض ویڈیو بھی وائرل کردی۔ ملزم حسن شاہ ہنی ٹریپ کرنے والے 12 رکنی گروہ کا مرکزی کردار ہے۔ گروہ میں خواتین بھی شامل ہیں۔ملزم حسن شاہ کے پولیس کو دئیے گئے بیان کے مطابق خلیل الرحمن قمر اسکرپٹ کے لیے نہیں بلکہ غلط ارادے سے خاتون کے گھر گئے۔ خلیل الرحمن قمر نے نازیبا ویڈیوز کی وجہ سے اغوا کا واویلا کیا۔ دونوں ملزمان سے مزید تفتیش جاری ہے۔ خاتون سمیت 12 ملزمان کو گرفتار کیا جا چکا ہے۔

کریڈٹ: انڈیپنڈنٹ نیوز پاکستان-آئی این پی