اداکارہ جویریہ سعود نے دورانِ شو انکشاف کیا ہے کہ انہوں نے ہٹ ڈراما سیریل خدا اور محبت کا ٹائٹل ٹریک لکھا ہے۔اداکارہ جویریہ سعود نے حال ہی میں نجی ٹی وی کے انٹرویو پروگرام میں شوہر کے ہمراہ شرکت کی اور کھل کر نجی و پروفیشنل زندگی سے متعلق گفتگو کی۔دورانِ انٹرویو میزبان نے سوال کیا کہ پاکستان کے ڈراموں کے بہت سے ایسے گانے ہیں جو جویریہ نے لکھے ہیں، جب ان سے ملاقات ہوتی ہے تو یہ اس بارے میں ہمیں بتاتی ہیں، تو اس پر آپ کیا کہیں گی جویریہ؟سوال کا جواب دیتے ہوئے جویریہ نے کہا کہ ڈرامہ سیریل خدا اور محبت کا او ایس ٹی میں نے لکھا تھا جو عوام کو بہت پسند بھی آیا لیکن اس کے پہلے سیزن میں تو مجھے کریڈٹ دیا گیا لیکن اس کے بعد جتنے سیزن بنے اس میں گانے کے لکھاری یعنی کہ میرا نام ہی نہیں لکھا گیا ۔اپنی گفتگو جاری رکھتے ہوئے اداکارہ نے مزید کہا کہ میں نے اس طرح کئی ہٹ ڈراموں کے گانے لکھے ہیں لیکن کریڈٹ نہیں دیا جاتا ، جس پر اداکارہ کے شوہر نے کہا کہ ایک مرتبہ نہیں بلکہ اسے کبھی کریڈٹ نہیں دیا جاتا ۔

کریڈٹ: انڈیپنڈنٹ نیوز پاکستان-آئی این پی