خاتون اول خاتون ثمینہ عارف علوی نے سہ ملکی بلائنڈ کرکٹ سیریز کیلئے پاکستان بلائنڈ کرکٹ ٹیم کی کامیابی کیلئے نیک خواہشات کا اظہار کرتے ہوئے کہا ہے کہ خصوصی افراد بھی کرکٹ کے میدان ملک کا نام روشن کر رہے ہیں۔ اپنے پیغام میں خاتون اول نے رواں ماہ کھیلی جانیوالی سہ ملکی کرکٹ سیریز میں قومی بلائنڈ ٹیم کو شرکت کرنے پر مبارکباد دیتے ہوئے کہا کہ سیریز میں قومی بلائنڈ ٹیم کی کامیابی کیلے دعا گو ہیں، ثمینہ عارف علوی نے کہا کہ خصوصی افراد بھی کرکٹ کے میدان پاکستان کا نام روشن کر رہے ہیں، امید ہے پاکستان بلائنڈ ٹیم ایونٹ میں شاندار کارکردگی دکھائے گی، کھیل ہمیں مسلسل جدوجہد اور محنت کرنا سکھاتے ہیں، ہمیں خصوصی افراد کی سپورٹس سمیت دیگر شعبوں میں شرکت کو یقینی بنانا ہوگا۔ سہ ملکی کرکٹ سیریز 22فروری سے متحدہ عرب امارات میں شروع ہوگی ۔ ایونٹ میں پاکستان، بھارت ، سری لنکا مدمقابل ہونگے۔

کریڈٹ: انڈیپنڈنٹ نیوز پاکستان-آئی این پی