بالی ووڈ اداکار کارتک آریان شوبز انڈسٹری میں کوئی خاندانی پس منظر نہ ہونے کے باوجود اپنا لوہا منوانے میں کامیاب ہوچکے ہیں۔تاہم اب ایک کامیاب اداکار بن جانے کے باوجود کارتک اپنے ماضی کے اس وقت کو نہیں بھولے جب وہ انڈسٹری میں جگہ بنانے کی کوشش کررہے تھے۔ ایک ٹی وی شو میں بات چیت کرتے ہوئے کارتک نے اس وقت کو یاد کیا جب وہ اپنی جدو جہد کے دنوں میں آڈیشنز میں ناکام ہوجایا کرتے تھے۔اداکار نے بتایا کہ یہ بہت سخت ہوتا ہے، ایسا لگتا ہے آپ کا وجود ہی نہیں، لگتا تھا آپ کی کوئی ویلیو نہیں ہے۔اس کے علاوہ ان فِٹ قرار دیے جانے کا خوف بھی ان پر بہت زیادہ طاری رہا جو ان کے آڈیشنز دینے کے عمل میں فرسٹریشن کو بڑھاتا رہا۔اس بارے میں اداکار نے کہا کہ 'میرے مداحوں نے میری تنہائی دور کردی ہے۔شوبز انڈسٹری سے تعلق نہ رکھنے والے شخص کے طور پر کارتک نے انڈسٹری میں برابری نہ ہونے کا اظہار کیا۔انہوں نے کہا کہ میں لائن میں لگا ہوں اور دوسروں کو لائن میں لگنے کی ضرورت تک نہیں، میں رات بجے آڈیشن دے رہا ہوتا تھا جبکہ وہ چائے سے لطف اٹھا رہے ہوتے تھے۔ان کا کہنا تھا کہ ہر ایک کو برابری کا موقع نہیں ملتا اور یہ صورتحال آج بھی ہے۔

کریڈٹ: انڈیپنڈنٹ نیوز پاکستان-آئی این پی