اداکارہ جویریہ عباسی نے دوسری شادی کے تقریبا ساڑھے 5 ماہ بعد نکاح کی خوبصورت و دلکش تصاویر شیئر کر دیں۔بیٹی عنزیلہ عباسی کی شادی کے چند ماہ بعد دوسری شادی کرنے والی 52 سالہ اداکارہ جویریہ عباسی نے سوشل میڈیا صارفین کا تجسس ختم کرتے ہوئے اپنے نکاح کی تصاویر و ویڈیوز مداحوں کے ساتھ شیئر کر دیں۔فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے پوسٹ شیئر کرتے ہوئے مختلف تصاویر و ویڈیوز شیئر کی ہیں جن میں انہیں دلہن بنے ہوئے دیکھا جا سکتا ہے۔انہوں نے اپنے نکاح کے موقع پر شربتی و سنہرے رنگوں کے امتزاج کا عروسی جوڑا ہلکے میک اپ کے ساتھ زیب تن کیا۔انسٹاپوسٹ کے کیپشن میں انہوں نے اس بات کا اظہار کیا ہے کہ وہ اپنی زندگی سے خوش اور مطمئن ہیں۔واضح رہے کہ جویریہ عباسی کی پہلی شادی 1997 میں اداکار شمعون عباسی سے ہوئی تھی، ان کی ایک بیٹی عنزیلہ عباسی ہیں جن کی شادی انہوں نے گزشتہ برس کی ہے۔

کریڈٹ: انڈیپنڈنٹ نیوز پاکستان-آئی این پی