جنوبی افریقا کے خلاف 2 ٹیسٹ میچز کی سیریز کے پہلے میچ میں سری لنکن بیٹنگ لائن ریت کی دیوار ثابت ہوئی، سری لنکن ٹیم ٹیسٹ کرکٹ میں اپنے کم ترین اسکور پر آئوٹ ہوگئی۔ڈربن میں کھیلے جارہے ٹیسٹ میچ کے دوسرے روز سری لنکا کی ٹیم جنوبی افریقا کے پہلی اننگز کے 191 کے اسکور کے جواب میں صرف 42 رنز پر پویلین لوٹ گئی۔جنوبی افریقی بولرز کے سامنے سری لنکا کے 9 بیٹرز ڈبل فیگرز میں بھی داخل نہیں ہوئے۔ 5 بیٹرز صفر پر آٹ ہوئے۔ کامندو مینڈس 13 اور لاہیرو کمارا 10 رنز کے ساتھ نمایاں رہے۔جنوبی افریقا کی جانب سے مارکو یانسن نے 13 رنز دے کر 7 وکٹیں حاصل کیں۔42 رنز پر آئوٹ ہونا سری لنکا کا اپنی ٹیسٹ کرکٹ کی تاریخ میں سب سے کم اسکور ہے۔اس سے قبل سری لنکا کی ٹیم 1994 میں کینڈی میں پاکستان کے خلاف 71 رنز پر آئوٹ ہوئی تھی۔ بنگلورو ٹیسٹ میں بھارتی ٹیم ہوم گرئوانڈ پر کم ترین اسکور پر آئوٹ ہوئی جب 46 پر سب کے سب پویلین لوٹ گئیاس کے علاوہ سری لنکا کا 42 رنز پر آئوٹ ہونا، ورلڈ ٹیسٹ چیمپئن شپ کی تاریخ میں کسی بھی ٹیم کا دوسرا کم ترین اسکور ہے۔اس سے قبل بھارتی ٹیم آسٹریلیا کے خلاف 2020 میں صرف 36 رنز پر آئوٹ ہوئی تھی۔

کریڈٹ: انڈیپنڈنٹ نیوز پاکستان-آئی این پی