معروف برطانوی فلمساز جمائما گولڈ اسمتھ اور سابق برطانوی فٹبالر گیری لائنکر کی حال ہی میں سامنے آنے والی تصاویر نے میڈیا کی توجہ اپنی جانب مبذول کرلی ہے۔ان تصاویر میں جمائما گولڈ اسمتھ اور گیری لائنکر کو نوٹنگ ہل کے ایک ریستوران میں ایک دوسرے کے ساتھ خوشگوار لمحات گزارتے دیکھا جا سکتا ہے۔برطانوی میڈیا کی رپورٹ کے مطابق، ان دونوں نے لندن میں اچھا وقت ساتھ گزارنے کا منصوبہ بنایا تھا لیکن اس دوران کھانے کے علاوہ ان کی دیگر سرگرمیوں کے بارے میں کوئی تفصیل سامنے نہیں آئی۔ رپورٹ میں بتایا گیا ہے کہ جمائما گولڈ اسمتھ اور گیری لائنکر نے ریستوران سے باہر نکل کر چند منٹ بات کی تو ان دونوں کے ساتھ ایک نامعلوم خاتون دوست بھی موجود تھیں۔

کریڈٹ: انڈیپنڈنٹ نیوز پاکستان-آئی این پی