سینئر اداکار افضل خان المعروف جان ریمبو کی 55 ویں سالگرہ پر انکے بیٹے نے ویڈیو جاری کردی۔افضل خان فلمی دنیا کا انتہائی معتبر نام ہیں جنہوں نے اپنے کرئیر میں لاتعداد مشہور کرداروں سے شہرت حاصل کی اور اسی شہرت نے انہیں جان ریمبو کے نام سے مشہور کیا۔جان ریمبو نے اپنی55ویں سالگرہ کے خاص موقع کو اپنی فیملی کیساتھ منانے کا انتخاب کیا۔سالگرہ کی مناسبت سے جان ریمبو کے بیٹے احسن افضل خان نے فوٹو اینڈ ویڈیو شیئرنگ ایپ انسٹاگرام پر ویڈیو جاری کی جس میں انہیں گرما گرم چائے سے لطف انداز ہوتے دیکھا جاسکتا ہے۔مذکورہ ویڈیو کا عنوان باپ اور بیٹے کی دوستی پر مشتمل ہے جس میں لکھا گیا تھا کہ،آپکے والد آپکے دوست لگتے ہیں۔ساتھ ہی بیٹے نے اپنے والد کو سالگرہ کی مبارک باد دیتے ہوئے انہیں کیپشن میں ٹیگ کیا اور لکھا کہ،سالگرہ مبارک ہو ڈان۔دوسری جانب جان ریمبو کی سالگرہ منانے کیلئے اہلیہ صاحبہ بھی کسی سے پیچھے نہ رہیں انہوں نے نہ صرف سوشل میڈیا پر اپنے شوہر کو مبارکباد دی بلکہ سالگرہ کی حسین رات میں ایک شاندار ڈنر کا اہتمام بھی کیا جس کی خوبصورت جھلکیاں سوشل میڈیا کی زینت بنی نظر آرہی ہیں۔یاد رہے کہ صاحبہ اور جان ریمبو کی شادی 1997 میں ہوئی تھی اور ان کے دو بیٹے ہیں جن کا نام احسن اور زین ہے۔

کریڈٹ: انڈیپنڈنٹ نیوز پاکستان-آئی این پی