یورپین فٹ بال چیمپئن شپ کے ٹاپ 8رائونڈ کی لائن اپ مکمل ہوگئی ،سپین، میزبان، جرمنی، پرتگال، فرانس، انگلینڈ، سوئٹزرلینڈ، نیدرلینڈز اور ترکی کی ٹیمیں کوارٹر فائنل رائونڈ میں پہنچ گئیں۔یوئیفا کے زیر اہتمام میگا ایونٹ کے دلچسپ مقابلوں کا سلسلہ جاری ہے جس میں شائقین فٹ بال کو کانٹے دار مقابلے دیکھنے کو مل رہے ہیں۔ سپین،میزبان جرمنی،پرتگال،فرانس،انگلینڈ،سوئٹزرلینڈ،نیدرلینڈز اور ترکی کی ٹیموں کے کوارٹر فائنل رائونڈ میں پہنچنے کے بعد ٹاپ 8 رائونڈ کی لائن اپ مکمل ہوگئی ہے۔یورپین فٹ بال چیمپئن شپ کے چاروں کوارٹر فائنل میچز 5 اور 6 جولائی کو کھیلے جائیں گے۔پہلے کوارٹر فائنل میچ میں سپین کا مقابلہ میزبان جرمنی سے ہوگا، دوسرے کوارٹر فائنل میچ میں پرتگال اورفرانس کی ٹیمیں آمنے سامنے ہوں گی،تیسرے کوارٹر فائنل میچ میں انگلینڈکا مقابلہ سوئٹزرلینڈسے جبکہ نیدرلینڈز اور ترکی کی ٹیموں کے درمیان چوتھا اور آخری کوارٹر فائنل میچ کھیلا جائے گا۔ چیمپئن شپ کا پہلا سیمی فائنل میچ 9 جولائی جبکہ دوسرا 10 جولائی کو کھیلا جائے گا۔چیمپئن شپ کا فائنل میچ 14 جولائی کو جرمنی کے دارا لحکومت برلن میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی