یونین آف یورپین فٹ بال ایسوسی ایشن کے زیر اہتمام یوئیفا یورو فٹ بال چیمپئن شپ جمعہ کے روز(آج)سے 14جولائی تک جرمنی میں کھیلی جائے گی ، 24مختلف ممالک کی ٹیمیں ٹائٹل کے حصول کے لئے پنجہ آزمائی کریں گی۔چیمپئن شپ کا پہلا میچ (آج)جمعے کو گروپ اے کی ٹیموں میزبان جرمنی اور سکاٹ لینڈ کے درمیان میونخ کے مقام پر کھیلا جائے گا۔یوئیفا یورو فٹ بال چیمپئن شپ میں شرکت کرنے والی 24ٹیموں میں میزبان جرمنی، سکاٹ لینڈ، ہنگری، سوئٹزرلینڈ، سپین، کروشیا، اٹلی، البانیہ، سلووینیا، ڈنمارک، سربیا، انگلینڈ، پولینڈ، نیدرلینڈز، آسٹریا، فرانس، بیلجیم، سلوواکیہ،رومانیہ،یوکرین،ترکی،جارجیا،پرتگال اورجمہوریہ چیک شامل ہیں۔یوئیفا یورو فٹ بال چیمپئن شپ کے تمام میچز جرمنی کے دس مختلف سٹیڈیمز میں کھیلے جائیں گے جن میں دارالحکومت برلن ،میونخ ،ڈورٹمنڈ ،سٹٹ گارٹ،گیلسن کرچن،فرینکفرٹ،ہیمبرگ، لیپزگ،ڈسلڈورف اور کولون شامل ہیں۔یوائیفا یورو فٹ بال چیمپئن شپ 2024کے لیے منتخب کیے گئے جرمنی کے دس مقامات میں سے 9پر 2006کے فیفا ورلڈ کپ کے میچز کھیلے جا چکے ہیں۔یوائیفا یورو فٹ بال چیمپئن شپ میں شامل 24 ٹیموں کو 6مختلف گروپوں میں تقسیم کیا گیا ہے جس کے مطابق گروپ ایمیں میزبان جرمنی،سکاٹ لینڈ،ہنگری اور سوئٹزرلینڈ شامل ہیں،گروپ بی میں سپین،کروشیا،اٹلی اور البانیہ کی ٹیم کو رکھا گیا ہے،گروپ سی میں سلووینیا،ڈنمارک،سربیا اور انگلینڈ کی ٹیمیں شامل ہیں،گروپ ڈی میں پولینڈ،نیدرلینڈز،آسٹریا اور فرانس کی ٹیم کو رکھا گیا ہے،گروپ ای میں بیلجیئم ،سلوواکیہ،رومانیہ اور یوکرین کی ٹیمیں شامل جبکہ گروپ ایف میں ترکی،جارجیا،پرتگال اور جمہوریہ چیک کی ٹیمیں شامل ہیں۔16ٹیمیں گروپ میچز میں سیناک آئوٹ رائونڈ ٹاپ 16رائونڈ کے لئے کوالیفائی کریں گی۔چاروں کوارٹر فائنل میچز 5اور 6جولائی کو کھیلے جائیں گے۔چیمپئن شپ کا پہلا سیمی فائنل میچ 9جولائی جبکہ دوسرا سیمی فائنل میچ 10جولائی کو کھیلا جائے گا۔چیمپئن شپ کا فائنل میچ 14جولائی کو جرمنی کے دارا لحکومت برلن میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی